Ո Ր Ո Շ ՈՒ Մ

 

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ 2018 ԹՎԱԿԱՆԻ ՀՈՒԼԻՍԻ 26-Ի ԹԻՎ ԲԴԽ-29-Ո-67 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով, ««Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին» 2021 թվականի փետրվարի 3-ի թիվ ՀՕ-265-Ն սահմանադրական օրենքի 10-րդ հոդվածի 26-րդ կետով՝ Բարձրագույն դատական խորհուրդը 

 

                                                                                                                         Ո Ր Ո Շ ՈՒ Մ  Է

 

           1.   Հայաստանի Հանրապետության բարձրագույն դատական խորհրդի 2018 թվականի հուլիսի 26-ի «Մինչդատական քրեական վարույթի նկատմամբ դատական վերահսկողություն իրականացնող դատավորների հերթապահության կարգը սահմանելու մասին» թիվ ԲԴԽ-29-Ո-67 որոշման (այսուհետ՝ Որոշում) մեջ կատարել հետևյալ փոփոխությունները.

          1)  Որոշման վերնագրում և 1-ին կետում «մինչդատական քրեական վարույթի նկատմամբ դատական վերահսկողություն իրականացնող» բառերը փոխարինել «մինչդատական քրեական վարույթի նկատմամբ դատական վերահսկողության շրջանակներում ներկայացված միջնորդությունները և օպերատիվ-հետախուզական միջոցառումներ իրականացնելու մասին միջնորդությունները քննող» բառերով,

         2)  Որոշման հավելվածը շարադրել նոր խմբագրությամբ՝ համաձայն Հավելված 1-ի:

         2. Սույն որոշումն ուժի մեջ է մտնում հրապարակմանը հաջորդող օրվանից:

     

      ԲԱՐՁՐԱԳՈՒՅՆ ԴԱՏԱԿԱՆ

        ԽՈՐՀՐԴԻ ՆԱԽԱԳԱՀԻ

            ՊԱՇՏՈՆԱԿԱՏԱՐ

                                                                                                     Գ. ՋՀԱՆԳԻՐՅԱՆ

               2021թ. դեկտեմբերի 13

                 ք. Երևան

 

 

 

 

 

 

                                                                                                                                                                                   Հավելված 1

                                                                                                                                                                                  Բարձրագույն դատական խորհրդի

                                                                                                                                                                                  2021թ. դեկտեմբերի 13-ի թիվ ԲԴԽ-105-Ո-304

                                                                                                                                                                                  որոշման

 

                                                                                                                                                                                 «Հավելված

                                                                                                                                                                                 Հայաստանի Հանրապետության

                                                                                                                                                                                 Բարձրագույն դատական խորհրդի

                                                                                                                                                                                 2018թ. հուլիսի 26-ի թիվ ԲԴԽ-29-Ո-67

                                                                                                                                                                                 որոշման

 

                                                                                                                              Կ Ա Ր Գ

 

ՄԻՆՉԴԱՏԱԿԱՆ ՔՐԵԱԿԱՆ ՎԱՐՈՒՅԹԻ ՆԿԱՏՄԱՄԲ ԴԱՏԱԿԱՆ ՎԵՐԱՀՍԿՈՂՈՒԹՅԱՆ ՇՐՋԱՆԱԿՆԵՐՈՒՄ ՆԵՐԿԱՅԱՑՎԱԾ ՄԻՋՆՈՐԴՈՒԹՅՈՒՆՆԵՐԸ ԵՎ ՕՊԵՐԱՏԻՎ-ՀԵՏԱԽՈՒԶԱԿԱՆ ՄԻՋՈՑԱՌՈՒՄՆԵՐ ԻՐԱԿԱՆԱՑՆԵԼՈՒ ՄԱՍԻՆ ՄԻՋՆՈՐԴՈՒԹՅՈՒՆՆԵՐԸ ՔՆՆՈՂ ԴԱՏԱՎՈՐՆԵՐԻ ՀԵՐԹԱՊԱՀՈՒԹՅՈՒՆ ՍԱՀՄԱՆԵԼՈՒ ՄԱՍԻՆ

 

Բարձրագույն դատական խորհուրդը (այսուհետ՝ Խորհուրդ), հիմք ընդունելով «Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի 5-րդ հոդվածով, Հայաստանի Հանրապետության քրեական դատավարության օրենսգրքի 283-րդ հոդվածի 4-րդ մասով, 284-րդ հոդվածի 2-րդ և 4-րդ մասերով, 285-րդ հոդվածի 2-րդ մասով սահմանված իրավակարգավորումները, արձանագրում է, որ մինչդատական քրեական վարույթի նկատմամբ դատական վերահսկողության շրջանակներում ներկայացված միջնորդությունները և օպերատիվ-հետախուզական միջոցառումներ իրականացնելու մասին միջնորդությունները պետք է քննարկվեն և լուծվեն անհապաղ կամ օրենքով սահմանված սեղմ ժամկետներում` անկախ այն հանգամանքից` դրանք ներկայացվել են աշխատանքային, թե՝ ոչ աշխատանքային օրերին և ժամերին:

   1. Մինչդատական քրեական վարույթի նկատմամբ դատական վերահսկողության շրջանակներում ներկայացված միջնորդությունները և օպերատիվ-հետախուզական միջոցառումներ իրականացնելու մասին միջնորդությունները քննվում են «Հայաստանի Հանրապետության դատական օրենսգիրք» սահմանադրական օրենքի (այսուհետ՝ Օրենք) 21-րդ հոդվածով սահմանված առանձին դատավորների կողմից, ովքեր ներգրավվում են սույն կարգով սահմանված հերթապահության գործընթացում:

    2.  Մինչդատական քրեական վարույթ իրականացնող մարմինների՝ անհապաղ քննության ենթակա միջնորդությունների քննությունն ապահովելու նպատակով՝ առաջին ատյանի ընդհանուր իրավասության բոլոր դատարաններում, իսկ օպերատիվ-հետախուզական գործունեություն իրականացնող մարմինների՝ անհապաղ քննության ենթակա միջնորդությունների քննությունն ապահովելու նպատակով՝ Երևան քաղաքի ընդհանուր իրավասության առաջին ատյանի ընդհանուր իրավասության դատարանում, համապատասխան դատարանի նախագահի կողմից աշխատանքային և ոչ աշխատանքային օրերի համար հաստատվում է հերթապահության ներգրավման ենթակա դատավորների ժամանակացույցը «այսուհետ՝ Ժամանակացույց»՝ համաձայն Ձև 1-ի:

     3. Սույն հավելվածի Ձև 1-ին համապատասխան կազմված Ժամանակացույցը հաստատվում և անհրաժեշտության դեպքում դրանում փոփոխությունները կատարվում են համապատասխան դատարանի նախագահի կողմից այնպես, որ չխաթարվի տվյալ դատարանի բնականոն գործունեությունը և պահպանվի դատավորների ծանրաբեռնվածության հավասարաչափությունը:

    4. Հաստատված Ժամանակացույցը առանձին դատավորներին է տրամադրվում հերթապահությունը սկսվելուց առնվազն մեկ ամիս առաջ: Համապատասխան մարզի առաջին ատյանի ընդհանուր իրավասության դատարանի՝ այլ քրեական գործեր քննող դատավորն իր վարույթում գտնվող քրեական գործերով դատական նիստերի անցկացման գործընթացը պատշաճ կազմակերպում է՝ Ժամանակացույցի հաշվառմամբ:

    5. Ժամանակացույցով հերթապահության ներգրավման ենթակա առանձին դատավորների նստավայրերը և Ժամանակացույցում կատարված փոփոխությունները ենթակա են հրապարակման Հայաստանի Հանրապետության դատական իշխանության պաշտոնական ինտերնետային կայքում՝ առանց դատավորների վերաբերյալ տվյալների՝ Օրենքի 32-րդ հոդվածի 3-րդ մասով սահմանված իրավակարգավորումներին համապատասխան: Հաստատված Ժամանակացույցը մինչև նախորդող ամսվա 25-ը, իսկ Ժամանակացույցում կատարված փոփոխությունների վերաբերյալ տեղեկությունները՝ հնարավոր սեղմ ժամկետներում, ուղարկվում են Դատական դեպարտամենտի կենտրոնական մարմին՝ ստանալու պահից երկօրյա ժամկետում Հայաստանի Հանրապետության դատական իշխանության պաշտոնական ինտերնետային կայքում ստացված տեղեկությունները հրապարակելու նպատակով:

     6. Բացառիկ դեպքերում, առանձին դատավորների կողմից սույն հավելվածի 1-ին և 2-րդ կետերում նշված գործերի քննությունն իրականացնելու անհնարինության պատճառով, դատարանի նախագահի կողմից կարող է ներգրավվել տվյալ դատարանում գործող և քրեական մասնագիտացում ունեցող այլ դատավոր՝ հաստատված Ժամանակացույցից դուրս:

     7. Դատավորների հերթապահության ներգրավումն իրականացվում է այնպիսի հերթականությամբ, որպեսզի ապահովվի դատավորների հերթապահության ներգրավվածության հավասարաչափությունը, ինչպես նաև Հայաստանի Հանրապետության աշխատանքային օրենսդրության պահանջների կատարումը:

     8. Հերթապահության ներգրավված դատավորի աշխատանքի չներկայանալու դեպքում (օրինակ՝ ներկայացվել է անաշխատունակության թերթիկ) դատարանի նախագահի կողմից հաջորդ Ժամանակացույցերը կազմվում են այնպես, որ աշխատանքի չներկայացած դատավորը հնարավորություն ունենա լրացնելու հերթապահությունից իր բացակայության օրերը:

     9. Մինչդատական քրեական վարույթ և օպերատիվ-հետախուզական գործունեություն իրականացնող մարմինների` անհապաղ քննության ենթակա միջնորդությունների քննությանն օժանդակելու և գործավարության իրականացման նպատակով աշխատանքային և ոչ աշխատանքային օրերին հերթապահություն է սահմանվում նաև դատարանի աշխատակազմի աշխատակիցների համար:

     10. Դատարանի աշխատակազմի աշխատակիցների հերթապահության ժամանակացույցը կազմվում է դատարանի աշխատակազմի ղեկավարի կողմից՝ նկատի ունենալով ինչպես Հայաստանի Հանրապետության աշխատանքային օրենսդրության պահանջները, տվյալ դատարանի նախագահի կողմից սահմանված Ժամանակացույցը, այնպես էլ՝ աշխատակազմի աշխատակիցների հավասարաչափ հերթապահության ներգրավման անհրաժեշտությունը:

    11. Մինչդատական քրեական վարույթ և օպերատիվ-հետախուզական գործունեություն իրականացնող մարմինների՝ անհապաղ քննության ենթակա համապատասխան միջնորդությունն ստացվելուց անմիջապես հետո հերթապահ աշխատակիցն այդ մասին անհապաղ տեղեկացնում է դատարանի նախագահին և Ժամանակացույցով հերթապահության ենթակա դատավորին:

    10. Հերթապահ աշխատակիցն ստացված փաստաթղթերը գրանցում է համապատասխան էլեկտրոնային կամ թղթային մատյաններում և այն հանձնում է հերթապահ դատավորին:

    11. Հերթապահ աշխատակիցն օրենքով սահմանված կարգով իրականացնում է դատական նիստի կազմակերպման և անցկացման համար անհրաժեշտ կազմակերպչական աշխատանքները:

    12. Հերթապահության ներգրավված դատավորների և աշխատակազմերի աշխատակիցների արտաժամյա աշխատաժամանակը հաշվառվում է ընդհանուր աշխատաժամանակի հաշվառման տեղեկագրում և հատուցվում Հայաստանի Հանրապետության օրենսդրությամբ սահմանված կարգով:

    13.  Ժամանակացույցը կազմվում է 2 օրինակից (Ձև 1), որի մեկ օրինակը պահվում է տվյալ դատարանի աշխատակազմում, մյուս օրինակը՝ Դատական դեպարտամենտի կենտրոնական մարմնում:

1. 14. Ժամանակացույցն առնվազն պետք է ներառի՝

ա) դատարանի անվանումը, նստավայրը, հասցեն,

բ) հերթապահության ենթակա դատավորի անունը, ազգանունը,

գ) հերթապահության ժամանակահատվածը,

դ) դատարանի (նստավայրի) կոնտակտային տվյալները:

Սույն կետի «բ» ենթակետում նշված տվյալները ենթակա չեն հրապարակման՝ սույն կարգի 5-րդ կետին համապատասխան:

 

 

Ձև 1

 

ԴԱՏԱՎՈՐՆԵՐԻ ՀԵՐԹԱՊԱՀՈՒԹՅԱՆ ԺԱՄԱՆԱԿԱՑՈՒՅՑԸ

 

 

 

Ժամանակացույց Դատարանի անվանումը
Հ/Հ	Դատարանի նստավայրը	Նստավայրի հասցեն	Նստավայրի կոնտակտային տվյալները	Դատավորի անունը, ազգանունը	Հերթապահության ժամանակահատվածը օրերը

                                                                   »:

                                                                   »: