Ո Ր Ո Շ ՈՒ Մ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԻ ԴԱՏԱՎՈՐ ՄՆԱՑԱԿԱՆ ՄԱՐՏԻՐՈՍՅԱՆԻՆ ԿԱՐԳԱՊԱՀԱԿԱՆ ՊԱՏԱՍԽԱՆԱՏՎՈՒԹՅԱՆ ԵՆԹԱՐԿԵԼՈՒ ՀԱՐՑԻ  ՔՆՆՈՒԹՅԱՆ ԺԱՄԿԵՏԸ ԵՐԿԱՐԱՁԳԵԼՈՒ ՎԵՐԱԲԵՐՅԱԼ

 

Ուսումնասիրելով Արդարադատության նախարարի ՝ «Երևան քաղաքի առաջին ատյանի ընդհանուր իրավասության դատարանի դատավոր Մնացական Մարտիրոսյանին կարգապահական պատասխանատվության ենթարկելու հարցի քննության վերաբերյալ  միջնորդությամբ ՀՀ բարձրագույն դատական խորհրդին  դիմելու մասին»   06.05.2019թ. 16-Ա որոշումը, միջնորդությանը կից ներկայացված փաստաթղթերը, Բարձրագույն դատական խորհուրդը

 

Պ Ա Ր Զ Ե Ց.

 

Արդարադատության նախարարն իր 06.05.2019թ. թիվ 16-Ա որոշմամբ դիմել է  Բարձրագույն դատական խորհուրդ ՝ Երևան քաղաքի առաջին ատյանի ընդհանուր իրավասության դատարանի դատավոր Մնացական Մարտիրոսյանին կարգապահական պատասխանատվության ենթարկելու  հարցի քննության վերաբերյալ միջնորդությամբ: Սույն միջնորդության քննության  նպատակով  Բարձրագույն դատական խորհրդի (այսուհետ ՝ Խորհուրդ) նիստ էր հրավիրվել 2019 թվականի հունիսի 10-ին՝ ժամը 13:00-ին:

«Հայաստանի Հանրապետության դատական օրենսգիրք» սահմանադրական օրենքի 90-րդ հոդվածի 2-րդ մասի համաձայն՝ դատավորին և Բարձրագույն դատական խորհրդի անդամին կարգապահական պատասխանատվության ենթարկելու, դատավորի և Բարձրագույն դատական խորհրդի անդամի լիազորությունները դադարեցնելու, ինչպես նաև իր լիազորությունների իրականացման կապակցությամբ դատավորի և Բարձրագույն դատական խորհրդի անդամի նկատմամբ քրեական հետապնդում հարուցելու կամ նրան ազատությունից զրկելու վերաբերյալ համաձայնություն տալու վերաբերյալ հարցերը քննելիս Բարձրագույն դատական խորհուրդը հանդես է գալիս որպես դատարան:

«Հայաստանի Հանրապետության դատական օրենսգիրք3 սահմանադրական օրենքի 150-րդ հոդվածի 2-րդ մասի համաձայն՝ բացառիկ դեպքերում դատավորին կարգապահական պատասխանատվության ենթարկելու հարցի քննության ժամկետը Բարձրագույն դատական խորհրդի հիմնավորված որոշմամբ կարող է ոչ ավելի, քան մեկ ամսով երկարաձգվել (…):

Տվյալ դեպքում, հաշվի առնելով սույն գործի բազմակողմանի քննությունն ապահովելու նպատակով միջնորդության քննության հետ կապված լրացուցիչ նյութեր  ուսումնասիրելու  անհրաժեշտությունը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 150-րդ հոդվածի 2-րդ մասով, Բարձրագույն դատական խորհուրդը

 

Ո Ր Ո Շ Ե Ց.

1. Երևան քաղաքի առաջին ատյանի ընդհանուր իրավասության դատարանի դատավոր Մնացական Մարտիրոսյանին կարգապահական պատասխանատվության ենթարկելու հարցի քննության վերաբերյալ  միջնորդությամբ ՀՀ բարձրագույն դատական խորհրդին  դիմելու մասին   Արդարադատության նախարարի միջնորդության  քննության ժամկետը երկարաձգել  և Բարձրագույն դատական խորհրդի  նիստը  նշանակել 2019 թվականի հուլիսի 1-ին՝ ժամը 15.00-ին:

 

ԲԱՐՁՐԱԳՈՒՅՆ ԴԱՏԱԿԱՆ

ԽՈՐՀՐԴԻ ՆԱԽԱԳԱՀԻ

ՊԱՇՏՈՆԱԿԱՏԱՐ՝         Ս.ՉԻՉՈՅԱՆ  

 2019 թ․  հունիսի 10

 ք. Երևան