Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Բարձրագույն դատական խորհուրդը

                                                                                                                  Ո Ր Ո Շ Ո Ւ Մ   Է

1․ Բարձրագույն դատական խորհրդի 2024 թվականի դեկտեմբերի 16-ի «Արմավիրի մարզի առաջին ատյանի ընդհանուր իրավասության դատարանի դատավորներ Արթուր Ադամյանին, Հակոբ Մանուկյանին, Էդգար Մանասյանին, Հրաչյա Մեխակյանին և Սերժ Ռուշանյանին բաշխվելիք գործերի առանձին տոկոսաչափեր սահմանելու վերաբերյալ» թիվ ԲԴԽ-116-Ո-273 որոշման (այսուհետ՝ Որոշում) մեջ կատարել հետևյալ փոփոխությունները.

1) Որոշման վերնագիրը շարադրել նոր խմբագրությամբ՝ հետևյալ բովանդակությամբ.

«ԱՐՄԱՎԻՐԻ ՄԱՐԶԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԻ ԴԱՏԱՎՈՐ ԷԴԳԱՐ ՄԱՆԱՍՅԱՆԻՆ ԲԱՇԽՎԵԼԻՔ ԳՈՐԾԵՐԻ ԱՌԱՆՁԻՆ ՏՈԿՈՍԱՉԱՓ ՍԱՀՄԱՆԵԼՈՒ ՎԵՐԱԲԵՐՅԱԼ»,

2)    Որոշման 1-ին կետը ճանաչել ուժը կորցրած,

3) Որոշման 2-րդ կետը շարադրել նոր խմբագրությամբ՝ հետևյալ բովանդակությամբ.

«2. Արմավիրի մարզի առաջին ատյանի ընդհանուր իրավասության դատարանի դատավոր Էդգար Մանասյանին բաշխվելիք գործերի համար՝ 2024 թվականի դեկտեմբերի 17-ից մինչև 2025 թվականի փետրվարի 17-ը ներառյալ՝ սահմանել 10% առանձին տոկոսաչափ»:

2․ Սույն որոշումն ուժի մեջ է մտնում հրապարակմանը հաջորդող օրվանից:

 

ԲԱՐՁՐԱԳՈՒՅՆ ԴԱՏԱԿԱՆ

ԽՈՐՀՐԴԻ ՆԱԽԱԳԱՀ

                                                                                                                                                                        Ա. ԱԹԱԲԵԿՅԱՆ

 

             2025թ. հունվարի 27

                        ք. Երևան