Ո Ր Ո Շ ՈՒ Մ

ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՊԱՀՈՒՍՏԱՅԻՆ ՖՈՆԴԻՑ ԳՈՒՄԱՐ ՀԱՏԿԱՑՆԵԼՈՒ ԵՎ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ 2020 ԹՎԱԿԱՆԻ ՀՈՒՆՎԱՐԻ 20-Ի  ԹԻՎ ԲԴԽ-1-Ո-1 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

 

Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 38-րդ հոդվածի 10-րդ մասով, 89-րդ հոդվածի 1-ին մասի 10-րդ և 13-րդ կետերով, 94-րդ հոդվածի 1-ին մասով և «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Բարձրագույն դատական խորհուրդը

 

Ո Ր Ո Շ ՈՒ Մ  Է

1. Դատական դեպարտամենտի բնականոն գործունեությունը ստեղծված արտակարգ իրավիճակի պայմաններում ապահովելու նպատակով՝ «Դատական իշխանության գործունեության ապահովում և իրականացում» 1080 ծրագրի «Բարձրագույն դատական խորհրդի և ՀՀ դատարանների պահուստային ֆոնդի ձևավորում և կառավարում» 11018 միջոցառումից հատկացնել 8 000 000 (ութ միլիոն) ՀՀ դրամ, որից՝

1) «Ընդհանուր բնույթի այլ ծառայություններ» /423900/ բյուջետային ծախսերի տնտեսագիտական դասակարգման հոդվածին՝ 2 700 000 (երկու միլիոն յոթ հարյուր հազար) ՀՀ դրամ՝ ախտահանման ծառայություններ ձեռք բերելու համար,

2) «Առողջապահական և լաբորատոր նյութեր» /426600/ բյուջետային ծախսերի տնտեսագիտական դասակարգման հոդվածին՝ 3 435 600 (երեք միլիոն չորս հարյուր երեսունհինգ հազար վեց հարյուր) ՀՀ դրամ՝ դիմակներ ձեռք բերելու համար,

3) «Կենցաղային և հանրային սննդի նյութեր» /426700/ բյուջետային ծախսերի տնտեսագիտական դասակարգման հոդվածին՝ 569 400 (հինգ հարյուր վաթսունինը հազար չորս հարյուր) ՀՀ դրամ՝ ախտահանիչ նյութեր և ձեռնոցներ ձեռք բերելու համար,

4) «Վարչական սարքավորումներ» /512200/ բյուջետային ծախսերի տնտեսագիտական դասակարգման հոդվածին՝ 1 295 000 (մեկ միլիոն երկու հարյուր իննսունհինգ հազար) ՀՀ դրամ՝ ջերմաչափեր ձեռք բերելու համար:

2. Բարձրագույն դատական խորհրդի 2020 թվականի հունվարի 20-ի «Հայաստանի Հանրապետության բարձրագույն դատական խորհրդի և դատարանների 2020 թվականի ծախսերի նախահաշիվները հաստատելու մասին» թիվ ԲԴԽ-1-Ո-1 որոշման 1-ին կետի 19-րդ ենթակետով հաստատված 20-րդ հավելվածը շարադրել նոր խմբագրությամբ՝ համաձայն հավելվածի:

3. Սույն որոշումն ուժի մեջ է մտնում հրապարակմանը հաջորդող օրվանից:

      

 

ԲԱՐՁՐԱԳՈՒՅՆ ԴԱՏԱԿԱՆ

ԽՈՐՀՐԴԻ ՆԱԽԱԳԱՀ                                                  

                                                         Ռ. ՎԱՐԴԱԶԱՐՅԱՆ        

 

2020թ. մայիսի 26

   ք. Երևան